没有最差, 只有更差

結婚兩年都沒有小孩, 結婚第一年我做婦檢, 發現有2粒子宮纖維瘤 , 不surprise, 因為這兩個朋友與我風雨同路已有好幾年。醫生維持原判, 意見是不用做手術, 因位置不會影響生育，驗血又一切正常。醫生叫我試6個月, 如不能conceive便再回來。

 

之後試了8個月, 我終於忍唔住叫我老公驗精子, 5月份結果是他精子比正常人小一半, motility只有30%……醫生話男人精子問题不太難解決, 好了，我便打電話排公家和私家, 這時發現公家要排7個月才驗精子, 再加最少12個月才可見醫生。ok, 唔surprise, 因為公家例牌要排。找私家醫生, 才發現不育科醫生只有幾個, 出名的忙到不接新case…..最後打去仁安, 我也要等5個月才,可以見醫生。不怕, 我令年12月才足35歲, 仁安話安排iui很快, 我想11頭見醫生, 年尾應該趕及做iui, 心裏仍充滿希望。

 

可惜壞消息沒有最差, 只有更差。我今年7月再見自己睇開的婦科醫生問iui, 由於子宮纖維瘤檢查已過1年, 醫生建議再做檢查。誰不知檢查後發現有一共4個子宮纖維瘤!!! 2位新朋友在1年內出生, 但已經同我兩位幾歲的老友一樣咁高咁大(一個2點幾同3點幾cm大)。醫生表示4粒子宮纖維瘤會影響受精機會(因子宮面凸出令精子游入旅程更長), 亦影響implantation, 如果我年紀今年是28歲會建議做手術，但我巳接近35歲, 做手術後要等1年才可再試。現在做iui風險是打入的hormones有可能令子宮纖維瘤增大, 雖然纖維瘤9成是良性, 但2位新朋友生長速度快，不能排除可能是恶性。聽完之後我個心已經涼了, 回家後哭了幾星期。

 

下星期照輸卵管, please, 請不要再给我更多的壞消息。